[سعود المسعد]

المشاركة الأصلية كتبت بواسطة قديم الشوق

أحبتي الكرام

صبحكم الله بالخير

ويسعدني التواصل معكم بهذه القصيدة ..



عليـك وجــه الله وعهــده وامـانه
.................... مـايـلحـقـك يـابـنـت منــي مضـّره

اخــاف مـن رب الـبـشــر جل شانه
.................... واخـاف انا من الظلم واخاف شـّره

حقك علـي اعطيـك قـدر ومكـانه
.................... ويشـوف منـي خـافقـك مـايسـّره

دامـك معـي تحـرم عليـك الاهـانه
.................... والـلــي نـواك بضــر والله لضــّره

سـرك حفظتـه مثـل حفظ الأمـانه
.................... وقدرك رفعتـه فوق حبـل المجـّره

دوك امسـكي قلبـي وشـدي عنـانه
.................... وانتي ترى في اللي تسوين حــّره

وعمري خـذيه اليـوم عنـدك رهـانه
.................... ودامـــــه رهـيـن يـديـك لـلـه درّه

ميــانـتـك أكــبـر مـن ايـــة مـيــانه
.................... حـتـى لـو ان اغلى الأوادم تشــّره

الصــدق لامـن حـط في شي زانـه
.................... والكـذب مـرّ الطعـم حلـوه ومـــّره

الرجـل مـرهــون بهـرجــة لســانه
.................... حتى لو ان دنيـــاه قـامـت تـغــّره

ويـافـلان لاتقـسى وتظلـم فــلانـه
.................... دربـك ترى محسوب جــره بجــره

والظــالـم العـربيد مااسرع هـوانه
.................... لوسَـلـْـم مـــره مـاسَـلـَـم كل مــّره

ويابنت لك وجهي ووجهي ضمـانه
.................... مايلحقــك منــي مــن الشـــر ذرّه



قديم الشوق

قديم الشوق والله انك وافي وجهك ابيض
صح لسانك مدد حدالرضى شبعت ذائقتي المتعطشه لمثل
هذاالابداع
شاعر متمكن تجبرمتابعينك
تجبرناعلى الوقوف عندقصائدك والانحناء لسلطنه حرفك النابض
لك ودي ومتابعتي