خلينـي ابحـر فـي عيونـك مـع الشـوق=وأن مـــت أنــــا بـاهـدابـهـا كفـنـيـنـي
لــي انـظـري نـظـره وفـيـه لمـعـشـوق=نـظـرة غــلا فـيـهـا الـوفــا يحتـويـنـي
فيها تـداوى جـروح وجـروح وحـروق=فــي داخـلـي عانيـتـهـا مـــن سنـيـنـي
وأذا تـشـاوت ارفـعــي بـيـرقـك فـــوق=وسـوي مثـل غيـرك مـعـي وجرحيـنـي
جوري وصـدي واوقفـي للفـرح عـوق=الـوضــع عـــادي بـالـجـفـا عاقـبـيـنـي
يامـا شكـى قلبـي مــن الـغـدر والـبـوق=مهـو أنتـي أول مـن نـوى الغـدر فينـي
ولاهو أنتي أول من نقض عهد موثوق=قبـلـك كثـيـر مـــن الـبـشـر صدقـيـنـي
كـم مـات حلـم وحلـم بالصـدر مخـنـوق=وشيـعـت جثـمـانـه أنـــا فـــي يـديـنـي
اسف عيونـي مااجـي لـك علـى الـذوق=نفـسـي عـزيـزه مـاخـضـع سامحـيـنـي
عــادي تجيـنـي او تروحـيـن بـرفــوق=دام اخـتـلـف بـالـحـب ديـنــك وديـنــي
الصـقـر يخـضـع لاتمـكـن لــه سـبـوق=وأنـــا خـضـعـت لـعـزتـي واعـذريـنـي