أسعد الله أوقاتكم بكل خير ومودة
من القديم لتجديد التواصل
يامطول الغيبات وش ذنب الاجفـان=تشكي لجمر الهجر بعـد الموانـي
تغيرت بعـدك مقاييـس الازمـان=حتى الثواني دهـر ماهـي ثوانـي
في غيبتك كني للاحـزان سلطـان=وكن السعاده شعبي اللي عصانـي
أحزان اودعهـا وتلفينـي احـزان=لاراح وفدٍ زارنـي وفـد ثانـي
ويحيط بي من كل هاجوس يقظـان=يمنع عن عيوني الكرى لو غزانـي
وشلون اقول النوم سلطان اذا كـان=النـوم متوطيـه هـمٍ وطانـي
في غيبتك كم سامرت صدري اشجان=وكم خفـق قلبـي وزلزل كياني
من كثر خوفي لاتكـون انـت نسيـان=عهدٍ مضى واحلامنا والأمانـي
تدري بدونك شارد الفكـر حيـران=مااغروا عيوني المترفات الغوانـي
ياما تمنيتك تجـي طيـف ندمـان=وتمد لي كف اعتـذارٍ نسانـي
ترى الندم توبـه ويعقبـه غفـران=وان خفت ربك فـي تعـرف مكانـي