يـــا مـصـعـب الايـــام كـلـهــا بــدونــك
وأصعب كثير ان قلت اشوفك على خير
يـالــلــي تـبـعـثـرنـي وأدوّر جــنــونــك
وألقـى لجنونـي فــي غــرورك تفاسـيـر
هـمـسـك وضحـكـاتـك ولـــذة طـعـونـك
اشــيــا تــهّــون مـقــبــلات الـمـعـاذيــر
شـوقـي واحاسيـسـي بـقــوّا يحـتـرونـك
تــرى الليـالـي فـــي غـيـابـك معـاسـيـر
تــدري حبيـبـي خـايـفـه مـــن سـكـونـك
وتـــدري احـبــك ! والمـحـبـه مـقـاديـر
لـبـيــه انــــا كــلـــي ألّــبـــي عـيــونــك
لبـيـه لــو مــا هـــي لعـيـنـك مخـاسـيـر
لـبّــت عـيــون ٍ خـاضـعـات ٍ يـجـونــك
ولـبّـت رمــوش ٍ ذلـلـت لــك مـشـاويـر
جابتـنـي أمـطــار ٍ حـوتـهـا مـزونــك !
يـوم السمـا لجلـك !! غـدى لونهـا غيـر
لـــون ٍ إذا سـمّــوه .. سـمّــوه لـونــك !
وغـيــم ٍ اذا امـطــر تـغـنـت عصـافـيـر
مــعــذورة ٍ يــومــي تـمـنـيـت كــونـــك
كـــون ٍ عـجــزت أوّصـفــه بالتـعـابـيـر
يــا مصعـبـه مــن يــوم إذا مــر دونــك
واصعب كثير ان قلت تصبح على خير