.
.
توأم الروح لشاعر المنابع
الادبية / عبدالله العجمي
للـروح توأم دون كل المحــــبين =مشارك ٍ نبضي بصــــادق احساسي
يانـور شوف العين ، والعين للعين =تـشـتـاق رغم ظروف شخصك وناسي
مهما ابتعـد ، ماوالله انسى ، وتبقين =تـــاج ٍ عـلى راس الــمــحــبه .. وراسي
والشعـر بعض البــوح في ساعة البين =والحـب مــوج ٍ هـد ّ عــضــدي وباسي
ومهما كتبت الشعــر .. أدري وتدرين =عن لـوعـة المنصف ، بوقـت المآسي
حتى ولو تخـطــين ، يحفظ لك الدين =وبســالـفـة طــيـبـك تـدور الأمــــاسي
لكـــن عـــزاي : ان الغــلا فـيه ثنتين : =يحـــيي الـقـلــوب ، وثابت ٍ كــالمــراسي