السلام عليكم
نبض فيه تسارعت الخفقات للتو منه فرغت أهديكم إياه :)
بيني وبيني
مرسومة أنت ِ
بكل التفاصيل و ملامحك
وفي كل ليلة
أجمعك
وقبل النهار
يطل
أرجع أنثرك
تدرين ليه؟
لأنه في عيونك ليل
يرجع فيني يجمعك
وأجن فيك
بعقل تايه
فوق لوحة يرسمك
وبيني .. وبيني
حقيقة مشاعر
كلها فيك مفتونة
من أولك لين أخرك
وتطير مثل طير
بين المساحات
يعيش .. يغيب
يبعد ولك يرجع لأنك
أنت ِ الجاذبية مركزك
وأكثر بيني وبينك
صورة عتيقة
فيها من جمالك
وأقول سبحان من صورك
فتنة حلا
مرسومة في كل
شوق ووله
أنت ِ سفيرة حب
على كل المواني
لا بد يحط فيها مركبك
وأنت ِ أنا
رحلة حنونة
دايم فيها أستريح
لأني أنا مواطن وفي
في حضرة جلالة موكبك