هنا يخضع الشعر لأذواقه الادبيه
ولايستغني عن النقد الادبي
دمتم كما تريدون
مدري علام الوقت في عين الزمان =ابطى تحت جفن القهر واهداب لوم
الصمت ضيف البوح في نفسي مكان=اكرمت صمتي يوم تكرمني هموم ؟!
مديت كف الروح (يابوحي بيان )=والقى غموض اليد تلقفها واقوم
اسري بحِيره مع غضب خفق الجِنان=والصدر به قبات من خفقات دوم
يم الهوى جيته مثل خطوة جبان =والحظ صفر ٍ بالشمال (أبرك يصوم )
ترى الشؤم ياخوك فيني بامتنان=ماهي بعاده غير في الدنيا لزوم
قبل الامل لايموت شوفه كيف كان=شيب الفرح عكازته فال معدوم
غضة نظرها بسمة ٍ عن شفتان =والحل عينه من نظر دنيا مهزوم
الوصف ناحل مع غرابيل ٍ سمان=واطمع في متنك يالهوى يا ذا العزوم
لامن مشاك القلب في درب الحنان=في غايتك يلقى تراحيب القدوم