[عبدالله العويمر]

من القديم ،، ولكم الود

خان الشتا أرض اجدبت من قسى الصيف=مرّ وتعدى ، والصحاري صحاري
عين العطش ماعانقت من ورا الطيف=إلاّ الدموع اللي قتلها اعتباري
بين الشموخ ، وبين ذلّ العواصيف=واقف شموخي ، واجرحته الذواري
هنا الصحاري احسدت عالم الريف=وظل الغصن يبكي عليه انتظاري
وقف شموخي راسم الضحك تزييف=لكن دمعي كاتب الفين طاري
لامانزل دمعي00ولااقول ماشيف=برقه لمع00ياليت مالكل داري !!
في وجه جرحي شايل الرمح والسيف=لامات جرح ، ولاضحك بانكساري
استوطنت في داخلي (آه ياحيف)=راح العمر ماطلت حقي ، وثاري
والحين دام الياس في داخلي ضيف=بادني دلال الشعر ، واشب ناري
واشرب فناجيل القهر والتحاسيف=واسهر بليل ٍ صار وجه إلنهاري
دام العطش يِظهِر مع الجرح لك زيف=زيف السراب اللي من الصدق عاري
عيشه بصحرا تشتكي قسوة الصيف=ولاخيانات الشتا للصحااااااري