السلام عليكم
وفي حيرة الأسئلة جواب
أحتار أنا وتحتار الأسئلة
مو في جواب الشوق
والحب الكبير
ولا في تفاصيل الحب
وكل نبضاتي معاك
وكثرة الليل الأسير
هاجسي وياك أصبح
مثل شي فخاطري
مهم وأكثر مثير
ليه أحبك ؟
وليه مليون مرة
تحبيني بقلب ٍ كبير
وكل ما جيت أعاين
هالهوى اللي سكن
في ضميري .. أفرح وأطير
لأن حبي لك
مو شي عادي
وتحتار فيه الأسئلة
ويبقى في محاني الغرام
شي وخطير
شي يسعدني في مجاله
أتعب واتعنى
وللحب أصبح سفير
سفير ٍ بالهوى
يحمل مراسيل عشاق
السهر وسمرة الليل
وحلو الأثير
وأحتار أكثر
وأقول حبي لك
حقيقة مثل عين الشمس
ومنه عليك ِ أغير
يا منوة الحلم
وصوت كل الأغاني
ودفا همس الحرير
إيه أحبك
وتحتار فيني الأسئلة
والشوق يزيد
أكثر من كثير