اسعد الله مساؤكم بالخير والمسرات
اليوم جبت قصيده لــ عبد الله البكر... ليت لي قدره
الشفق .. جرح السماء .. بإيد الغروب
والسحب .. منديل .. طيـره الهـوى
والشجر .. حارس على كل الـدروب
ماسمح للريح .. والنسمـة سـوى
والذنـوب .. اللـي نسميهـا ذنـوب
ضحكة الساقـي .. علـى ورد ٍ ذوى
وأنت .. شمعة .. عاهدتني ماتـذوب
لين ما آحس العمـر كنـه .. نـوى
إلمس بيدك على صدري .. ب..صوب
حس .. في صوت الفـؤاد اللـي دوى
ليت لي كلمـة علـى كـل القلـوب
كـان ماخليـت قـلـب ٍ مـاهـوى
وليت لي قدرة علـى نفسـي وأتـوب
كان ماقلبـي .. علـى بعـدك قـوى
كل مافي الكون .. خاشـره الهبـوب
غير صدر ٍ ضـم حبـك .. وإنـزوى
كنت اخاف .. إليا طرى ذيب الهـروب
يفلـت بفكـري .. وإلا أبعـد عـوى
ويزعج النايم علـى رجـل العيـوب
وأمسكـك .. وآحـس ثالثنـا غـوى
وأتركك .. وإبليس في وجهه شحـوب
لأنك أطهر .. من بالإخـلاق إرتـوى
قلت لك ... سبحـان عـلام الغيـوب
كل هذا الكون .. شفتـه بـك ضـوى
الشفق خـدك .. وسجداتـك غـروب
والسحاب جـلال .. بالليـل إنطـوى
امنيه انها تعجبكم........