بتحبينى
ليه تكدبى على قلبى وعينى
بتحبينى
نفسى أسمعها ماتجاوبينى
بتحبينى
سؤال معرفتش لسه جوابه
ردى على
خدى من قلبى الحب شويه دوقى عذابه
أقرى كلامه جوه عنيا أقرى عتابه
ماتجاوبينى بتحبينى
ليه تكدبى على قلبى وعينى
نفسى اسمعها ماتصارحينى
خدى ياحبيتى عذابى ليالى دوقى أشواقى
عيشى ساعات من غير حنيه بعد فراقى
مش حتلاقى فى عمرى الباقى
قلب يحبك من بعديا مش حتلاقى
ماتجاوبينى بتحبينى
ليه تكدبى على قلبى وعينى
نفسى اسمعها ماتجاوبينى
خدى أيام الحب هدية دى مش حتدوم
بكره عنيكى شويه حتنسى النوم
وقلبك يوم مايفكر فيا يبات مظلوم
مسيره حييجى ويشتكى ليا الحب ف يوم
ردى عليا بتحبينى