[عبدالله الدوسري]

أبشّرك قمت أتحمّل فراقك=إسترّت عيونٍ بقربك شقيّه
اختلْطت الأوراق ضاعت أوراقك=عقب إنفرادك صرت ضمن البقيّّه
نجِيت من بحرك و نيّة إغراقك=قلت أبتعد دام النّوايا نقيّه
أظلَم عليّ الكون و أبطى اشراقك=تعبْت من رجم الغرام و رقيّه
منين ما حاولت صعب اختراقك=حطّيتني في فوهة البندقيّه
قرّرت أجنّب من لهيب احتراقك=يمكن أحصّل ناس فيني تقيّه
غرّيتني يا للأسف في بَراقك=ما عاد تسوى في عيوني أوقيّه