[عبدالله العويمر]

قالت الأبله : الصّلاة

...........هي الحياة
.

.

.

.الركوع...

السجود...


الجلسة بين السجدتين..




قولوا :
"ربي اغفر لي ولوالديّ "
0
.

وثار السؤال....!!!

من انتي ياأنا00باسأل ولو ان الأمل مفقود=بإنك تنبتي فيني كرز ، واقطف إجاباتك
من ايام الطفوله والسؤال بداخلي موجود=نبت فيني واشوف الغصن يثمر مع معاناتك
محمد00باسمه00بندر00مها ، واحلام معها سعود=من ايام الطفوله واسئلتهم في محيطاتك
من انتي؟ وين ابوك؟ وليه سافر؟ ليه لك مايعود؟=سألنا كلما نسأل جوابك يشبه سكاتك
تقولي بانهم أهلك ، وإخوانك فهد وعهود=أجل ليه اختلاف اسم العوائل عن ملفاتك؟!!
كبرت ، وكلما أكبر أشيل بداخلي مولود=كثيره هي مواليدي ، واساميهم سؤالاتك
كبيره صارت ذنوبي00على صحراي كم مؤود=من اطفالي واشوفك ياأنا واعيش مأساتك
أنا نزوة كفر في دار فيني بابها موصود؟!=أنا غلطة أبو؟ ياكبرها يابوي غلطاتك
أنا قسوة /أرق أنثى سكب من شهدها المنشود=على وحل الرذيله من رجتْه يكون لعناتك
إذا صليت انا مدري أجازيهم دعاء جحود؟=سؤال بداخلي يانفس اذا حانت صلاواتك
قريت لوالديني حق00لكن وينهم !! 00واجود=مدر ّستي إذا إنتي مكاني ، وش هي سواتك؟!!
عيون الناس تزرع بي سنابل / والألم محصود=تهلّي ياعيوني في حصاد الحزن دمعاتك
أنا من هي أنا؟!! طال انتظاري والأمل مفقود=على صحرا سنيني ياأنا ماتت إجاباتك