[حمد آل عذبه]

اسعد الله مساكم بكل خير واحترام وتقدير

يسعدني ويشرفني ان اضع بين ايديكم هذه المتواضعه وعساها ان تنال على استحاسانكم

ماجيت ادور شهرةٍ بين ذا الناس = وماجيت ادور مصلحة في قصيده
وماني من الي لاكتب بيت يحتاس = يحتاس فكره في قصيده جديده
اكتب بيوت الشعر من دون مقياس = واكتب بيوتٍ كل ابوها فريده
دام المشاعر مفعمه حس واحساس = وش يمنع الهاجوس مما يريده
زان الفكر واخذه من الراس للراس = دامه من انتاجي واعرفه واجيده
الشعر له مبدا ومبني على ساس = وزن وبحر والقافيه ذي اكيده
بس الشعر شفته توجه للفلاس = هذا يبيع وذاك زايد رصيده
واليوم شفت بذا الزمن ناس واجناس = ماهمها كود الصور في الجريده
ناس تشوه سمعة الشعر جلاس = تجلس هنا وهناك لجل المكيده
هذا يكيد لذاك ويقول لاباس = وهذاك مثله وده انه يبيده
ماعندهم كود الحكي والتغطراس = والحقد في الواحد جرى في وريده
عندي رساله ماهي بوسط كراس = تسمع وتقرا في امورٍ عديده
ماينفع اليا طاح في راسك الفاس = وماينفعك صوتٍ ذهب وش يعيده
احذر وحاذر والحذر ينفع الناس = احذر يغرك كل من يصفق بإيده
واحذر من الي فعلته مثل جساس = يطعنك في ظهرك كما صيد صيده

وسلامتكم واتمنى ان تحور على اعجابكم


اخوكم الصغير
حمد آل عذبه