[عبدالله الدوسري]

إن كان قلبك يطيع بصدّتك و الجفا=يا ويش بأقول غير الله يحسبي عليه
ما دام ينكر جميل مواصلي و الوفا=عزّي لقلبٍ تعلّق واحدٍ مبتليه
محتاج لك في حنانك ضمّتك و الدفا=لو ما عرفت السبب الحب ما فيه ليه
بعدك عذابٍ لمن مثلي و قربك شفا=قدرك رفيعٍ و لا غيرك حدٍ يعتليه
الجرح ما ينّسى مع كل جفنٍ غفا=الخافي أعظم عن الحاصل و عن ما يليه
ارحل و بأرحل و سرّك بأدفنه في الخفا=قلبي تعوّد على جمرٍ لك بيصطليه
وداعتك كان طيفي في خيالك لفا=فلا تردّه و طيفك بأتلوّى عليه