[نواف الدويش]

.
،
.

السلام عليكم ورحمة الله وبركاته

إخواني وأخواتي .. روّاد هذا الصرح الشامخ .. كيبورديه متواضعه أصافح بها قلوبكم ..
عسى أن ترتقي إلى مستوى ذائقتكم .. وتنال رضاكم ،،


/

إنكسار القلب مايعني ضياع=كلها مـدّه وترجع تجبره
الهوى قصّه نهايتها الوداع=إعتبرها نهر حزن ٍ واعبره
قاوم الدمعه بقدر المستطاع=وكانها طاحت تحجّج بِشْعَره
ماعليك من الحكي واللي يذاع=إعتبر حكي الأوادم ثرثره
هذي الدنيا أكاذيـب وخداع=الكذب أصبح تحدّي مقدره
الملامح مرعبه خلف القناع=وكل شخص ٍله قناع ٍ يستره
إترك العالم وخلّ الإتّباع=وإترك الماضي وراك وإحقره
الهوى كانه مهو حدّ النخاع=لاتحرّى من حصايله ثمره
من يبيع الحب يستاهل يباع=ومن يحاول يهجرك انت اهجره
إنكسار القلب مايعني ضياع=الضياع إنك ترد وتكسره

\


وسلامة قلوبكم الطاهره ،،

.
،
.