[ونين]

دِمعة ونيني تِحتضر في عيوني=يهز قَلبي يآس..يعدم بي انسان
الكل يطعن بي و ماريحوني =اسري دروبي تايهه مثل حيران
خذوني بذرة بالهموم ازرعوني=ارض ٍ بها ظلمي وانا حيل ظميان
دمعات عيني يالغلا كبلوني= فلان يطعنّي و يذبحني افلان
الله واكبر ياجروحي طروني=الشاهد الله كل جرح ٍ بميزان
صدوك عني يالغلا و اسحروني=ياللي حياتي كلها دونك احزان
حتى حروفي بالحشا ما اسعفوني= كني يتيم ٍ في القوافي و الاوزان
ارجوك تكفى شيل مني طعوني =ارفعني من ارض ٍ بها الكل سيّان
يمّه دخيلك صوب خلي ادفنوني= صوب الحبيّب جيت بالحيل ولهان