.
.
الى متى ياقلب تشرى وتنباع = ياكثر ماحاولت فيك ورجيتك
الى متى تمشي ورى الحب تباع = ياما عن الحب ودروبه نهيتك
يكفيك هم وحزن وجروح واوجاع= اكبر خطا فالحب بيدي رميتك
وين انت ياللي صار حبك لي اخداع= جرحت قلب(ن) كان في يوم بيتك
حذرت قلبي من خيانتك ماطاع= غدار واكبر غلطه اني هويتك
حطيت لك في داخل القلب مرباع = لوكنت تطلب روح روحي عطيتك
تامر على قلبي لاوامرك ينصاع= تامر علي اقول كلي فديتك
كنت اعشقك بجنون مغرم وطماع= لوكنت تطلب دم قلبي سقيتك
جربت معك الحب وبكل الانواع =مجنون ليلى صرت لك واهتويتك
كنت بغيابي عنك لولحظه التاع=كنت اذكرك حتى وانا مانسيتك
تركتني فالحب تايه وملتاع=وينك تعبت من العطش مارويتك
قلبك حجر مايعرف الحب خداع=تبيعني وانا بعمري شريتك
لاتحسبن الحب يشرى وينباع=الحب ماهو بس خذني وجيتك
الاانت حبك حزن وجروح واوجاع=حبك مزيف ليتني ماهويتك
.
.
مرحبا بك شاعرنا المميز عبدالرحمن
العتيبي وحياك الله بعد طول غياب وصح
لسانك على هذه العذبة ولاتحرمنا من
تواصلك ومشاهدة ابداعك . .
.
.
تقبل فائق تقديري واحترامي