.
من الوسمي سحاب(ن) ساقه الرحمن ومفاجات = تزبّر وارتهش وارهش وهل وبيّح سدوده
ترزم وارتكم وابهل على الروضه ونوّه بات = يقود ونوض براقه يقيد وترجس رعوده
ردوم(ن) هل ماها من سماها والبرد زخات = وغثير السيل من يوحي هديره زادت سعوده
ربابه لاانفهق واقفى مثل ذود(ن) من الخلفات = تتالى واقفت ركابه عقب مانزّل شنوده
كساه العشب والنوار الاصفر كنه جنيهات = وقال الروض غني يا ام سالم باعذب انشوده
يطيب الكيف والدله على جمر الغضا مركات = بروض(ن) لااومت فنوده يفوح الطيب مع نوده