هذي قصة تدلنا أحبابي الشباب طويلي الشوارب على اهمية و فائد التعدد
قصدي تعدد الزوجات
يعني القصه اهديها لكل متزوج مضى على زواجه عدة سنوات و رزقه الله بعدة اطفال و اخشوشنت حرمته و بدت تنشف بدل ما كانت جبنة سايحه صارت جبنه كرافت :D
ابدا بالقصه
هذا واحد ابن حلال ميسور الحال لديه سيولة من مال
ما بعد خسرها في الاسهم
متزوج له 15 سنه
عنده من الاولاد خمسه
زوجته شوي شوي صارت تنشف و تيبس جلدها مثل خبزة منشورة تحت الشمس :iwillbethere-anim1n
المهم ما علينا من الاجوديه
الرجّال جلس يفكر ويفكر و يفكر وش يسوي بقريشاته
قال افتتح مشروع من مشاريع الخير و البركه بدل ما اخسرها في الاسهم
يعني قرر يتزوج :avatar:
وفقه الله لبنت حلال كنها زبده مايعه اذا جت تمشي من الرقه يعضـّـد لها :rose:
تزوج و اسفهل و انبسط
بس وش اللي صار ...؟
حزب الصمود و التصدي اعني زوجته القشرا الاوله و عيالها صاروا ينغصون عليه و يبهذلونه و يضايقون هالناعمة المسكينه
الرجّال حس بالملل يعني عنده بيتين ضرب بينهما بباب باطنه فيه الرحمه و ظاهره من قبل العذاب
قرر يتخلص من الغثيثه الاولى
لانها كبرت في السن و قشرا و مدة نعومتها خلصت و صلاحيتها انتهت و صارت ثقيلة في مشيتها تعض برطمها اذا بغت تقوم
في يوم من الايام
طلع للبر و خذهم كلهم الزوجه الاوله و عيالها و الزوجه النعوميه الجديده
و جلس يفكر وش يسوي .........؟!!
الزوجه الاوله رابضه تحت شجره ما تتحرك
الزوجه الثانيه كنها غزال تناقز ذات اليمين و ذات الشمال :lov_sr02:
اهتدى لفكره
ناداهم اقصد الزوجتين و جلس مهم على الغدا
و قال انا ما اقدر انفق عليكم كلكم و قررت اطلق وحده منكم
تتطاقوا عنده ..
الجديده تقول انت انتهت صلاحيتك
القديمه تقول قديمك نديمك
قال الحل عندي ....!!
ابخليكم تتسابقون و الفايزة منكم تبقى زوجتي و المهزومه اطلقها <<<<< مالي يده من زوجته الجديده متوقع فوزها مثل ما كان النصر يهزم الهلال ايام ماجد عبد الله
و هم على الغدا صار يلقّم الزوجه القديمه شحم مع اللحم و يشربها لبن كامل الدسم
و يغمز للزوجه الجديده و يخليها تاكل شي خفيف مثل المنشطات
المهم صفهم جنب بعض و قال اللي توصل الشجره ذييييييك توصلها اول تبقى زوجتي
المهم ..
الزوجه الاوله فصخت نعالها رجليها ضد الشوك و رفعت دراعتها و ربطتها في خصرها و رفعت شعرها و عصبته صارت كنها جني مروعه ذيب
لاااااااااا و صفوا عيالها يشجعونها .. امنا أمنا أمنا
جاها نشاط ما يدري من وين جابته
الزوجه الثانيه .. ما تقدر تفصخ نعالها و لا فيه احد يشجعها و لا تدري وش لون تركض لان طبيعتها تمشي تضوكع بميال
الرجّال بدا يعد عد تنازلي
5 ... 4 ... 3 ...
الأوله بدت تحرث الارض برجليها كنها ثور هايج و صار الحصى يتطاير في الهوا و هم ما بعد بدأوا السباق
الرجّال خاف بدا يحس بالرعب
المهم ..
2 ... و يوم قال وا ..ا ... ا ..حــــد
الا يوم طارت الزوجه الاوله كنها دباب بانشي لها صوت رعد
و الزوجه الثانيه تتهادى وراها كنها قطاة
الرجّال شغّل سيارته و صار يتابعهم و يلحق القشرا الاوله يحدحدها وده يصدمه
بس يا حسره ما فاد معها
فتح الدريشه و قال :
: :
: :
: :
::
هونت هونت هونت
كنت امزح معكم
و سلامتكم يعني اللي بيتزوج لا يتوهق و يسويي مثل هالمسكين اللي بغى يخسر حياته و مستقبله و صحته
خساره مهيب خساره اسهم اشد و اعظم
هههههههههههههههه
ههههههههههههههههههه