تقديري لكم ...... وسعيد بوجودي مع وجودكم اقدم لكم متواضعتي
وآمل ان تكون عند مستوى حسكم وذوقكم الفني الراقي تقديري
غالب كلام اللـي يحبـووون رايـق = هاااايم.. أذوب ..أعشقك والله وأحـب
يااحلوتي.. يا روعتي.. شـي فايـق = أنت الندى يااورد.. يـا أرق وأعـذب
ياكيوت.. يابرستيـج بالحيـل لايـق = يااصدق جماال الوصف والشعر الاكذب
ياطيف! ياضحكة على قلـب ضايـق = يالغز.. حله يشبه اللغـز!! وأغـرب
ياسـاحـرة!! يافاتنتـلـك خـلايـق = يامعجزة؟ ياململمـه جـرح يصعـب
ياللي بلقاااك اشتـاق لاغبـت تايـق = ياللي أذوب بهيبتـك و أنـت تقـرب
يا أحساس شوق القطر.. والغيم سايق = ياأحساس لون الليم.. والشمس تغرب
ياحظ ثغر(ن) قبلك!!!! ويـش ذايـق = وياحظ -حرف الكاس- لشفاااك يشرب
لحظة حضرتي؟ والمشاعـر رقايـق = أرتبّ احروفي.. واراقبـك... وأكتـب
وكـل الكـلام العـذب زار بدقـايـق = ابخطفه!! لكن !! عن الفكـر يهـرب
عجـزت أكّـون كلمتيـن(ن) رفايـق = ولحظة وقفتي؟؟؟صمتي اللـي ترتـب