جهى مطر دمع السحاب المجاهيم=سود العيون اللي إنتثر وبلهنه
رمح الشمال اللي جرح مهجة الغيم=شق السحاب وسالت الشمس منه
ساعة غشاني دمعها كنه الديم=دب الوجل في المهجة المرجهنه
وقمت اتذرى بالصبر والتعازيم=بعضي يبوح الخوف وبعضي يكنه
ناديتها واللي يغيث المظاليم=إنك ولا غيرك لقلبي مضنه
ان قالوا الحساد .. داله وانا .. هيم=مانيب انا ارجي من عدوي محنه
قالت تشد .. وقلت بالحيل باقيم=مافي الوطن وعيون الاحباب منه
تبسمت .. بشوقٍ .. بحبٍ .. بتسليم=حبيبتي .. وإلا العدو خاب ظنه
للامير الشاعر
بدر بن عبدالمحسن