مما اعجبني
لكن للاسف لا يحضرني اسم الشاعر
اوزار العتاب
من عرفت الشعر وابياتي سرايا
بين فكين العنا واربع نياب
لاتدور قلب لي بين الحنايا
ولا تحمل نفسك اوزار العتاب
لو اشوف البدر في وجه المرايا
تكسره بعيوني الوان العذاب
كيف ابسلى؟ وكل مافيني ضحايا
وفي عيوني يرتجف اقسى جواب
بعثرتني دنيتي بارضك شظايا
وش تلملم وش تخلي يالصواب
يكفي اكتب لك وترويني حكايا
واعترف لك بين طيات الكتاب
ولا تحاول تشعل شموع الزوايا
ينتهض لك في دجى ليلي اغتراب
علمتني خطوتي انظر ورايا
وادمج بكف العفو غدر الذياب
للاسف ماعاد تغريني الهدايا
ولا ينسيني الزمن حلم وغاب
مايبدد هالحزن بيض النوايا
مايرجع لي الصبا والقلب شاب
وكان قصدك تستر جروح عرايا
ماتواري غيره ما وارى الغراب
ليتها وقفت على جرح وخطايا
البلا لاحسنت ظني بك وخاب
ليه ما ارحل والشعر اغلى مطايا
وافتح لدمع القوافي كل باب
لاجل عينك باضحك وسط الصبايا
واعتبرني شمع لعيونك وذاب
ماهزمني الياس لكني بقايا
وقلب ميت مالحق عمره وتاب
خلني دام الهوى فرغ حشايا
والحزن عن قلبي المفقود ناب
باتسلى بالشعر واروي ظمايا
واطرد اطياف غدت مثل السراب
للاسف ماعاد تغريني العطايا
الحقيقه شبت في عمر الشباب
اعتذر للاطاله عليكم
ولكني ما استطعت قطف بيت وابعاده عن الاخر
فكل بيت فيها يجذب الاخر
نجديه.............:rose: