منابع الإبداع الأدبي
بتدفقه العذب الصافي ..
أسعد الله جميع أوقاتكم بكل خير و مسرة
أشكر من دعاني لأكون بينكم
و أضع بين أيديكم أولى قصائدي
علها تصل إلى إبداعكم .. و تلامس ذائقتكم .
* * *
أكسر الصمت بكلامك و اخترق سطح الزجاج=بينك و بيني مسافات العنا و لـون الغـروب
وش يفيدك بالتأني و الهـوى مثـل العجـاج=طيّر القلب و تفنن في رسم شكـل الهبـوب
انتشر حبك بقلبـي حتـى راج و حتـى راج=في جزيئاتي و سافر مع تباريـح الشحـوب
قلبي المجروح يطلب من ورا حكيـك عـلاج=بلسمٍ(ن) يشفي جروح النازف .. الهم .. العطوب
أكسني الحب و تكلم .. تضوي النجمة سراج=قول أحبك .. تكفى قلها خلني أشرق و اذوب
حبك اللي في عيوني عقدٍ .. سـوارٍ و تـاج=حبك الدنيا و غيره مـا ابيـه و مـا ينـوب
حبك ألوان التلاقـي بيـن ياقـوتٍ و عـاج=حبك أغصان الورود اليانعة وسـط القلـوب
حسنك المغرور صافح عينك الخجلا و هـاج=علّم الدنيـا الإثـارة و زاد هالعالـم رتـوب
طهرك اللي .. طهرك اللي يأتي من كل الفواج=طهرك أوفر كنك اللي ما لا ذنب و لا يتـوب
يا اختياراتي .. يا كيفي .. يا طعم أحلى مزاج=الشهد ريقك و حالي .. خالط اللولـو بكـوب
يالتناقض في كياني .. يالغموض و يالوهـاج=يالسلام اللي بعروقي .. و اندلاعات الحروب
أسجن الخافق بقلبك و احرس القلب بسيـاج=و خلني ألقاك فيني مـن شمالـي للجنـوب
الشروق اللي بعيوني بالسما سـوى انفـلاج=و الغروب اللي بحنيني .. نادى بالفعل الكذوب
في تأخر هالمحبة .. راح اسـوي احتجـاج=لاطم الخدين ساخط من بعـد شـق الجيـوب
و الله أنـي راح ازود كـل هالعالـم رجـاج=لو تعيب جنون فيني .. و الله أن كلي عيـوب
يا رسول الحب تكفـى بلغـه فحـو الديبـاج=و علمه أن المحبة ماهي من شرع اللعـوب
و أن حبي أنقى حبٍ يخطـو بحـدود النهـاج=لين يوصل مع جنابـه للمقـدر و محسـوب
و قله تكفى عجل أكثر و اخترق سطح الزجاج=قول احبك تكفى قلها خلنـي اشـرق و اذوب
سلمتم ..
و في رعاية الله دمتم ،،،
ناصر العبدالله