[نجمه أحمد]

صباحكم / مساكم شعر..

أقدم لكم مصافحتي الأولى ..
عسى أن تنال ولو جزءاً يسيراً من رضا ذائقتكم..

/

آه منــه ومــن غيابــه

انقطع إلهام فكري والسبب بغياب غالـي=من تركني وراح عني عجزت عيوني تنـام
شي غريب انه تركني وصار ماهمه وصالـي=وصرت انا اللي في غيابه تايهه وسط الزحام
غاب عني مدري وينه مختفي يا ضيق بالـي=ضاقت الدنيا بعيني وصارت ايامي ظـلام
النكد والضيقـه اللـي ماتخلينـي بحالـي=صرت انا والهم فعلا اصدقـاء وياسـلام
احتضن همـي وهمـي ينتشـي ياهملالـي=صارت ايامي هموم وصارت احلامي عدام
لاتذكرته ذكرت اسلوبه الرايـق خيالـي=كان يسحرني بثقله منطقـه هرجـه تمـام
اه منه ومـن غيابـه واه لايلقـى بدالـي=واه من همٍ بقلبي من سبب كثـر الهيـام
هو حياتي كل عمري ياعسى يصبح حلالي=ياعساي اقضي حياتي معه في حب وسـلام

وسلامتكمـ..

نـ نـ ج ـمه أحمد ـزف ..

لكمـ كل الود..
:rose: