عزّ الكلام ومابقى غير الفراق=خلّ العتب ياصويحبي والملامي
ماباقي إلا طيفكم بين الاحداق= ورسمٍ صبح ذكرى لماضي هيامي
ونزفٍ على الاوراق ينبض بالاشواق= ورعشة خفوقٍ من عنا البعد ظامي
لازلت رغم البعد أحن واشتاق= ولازلت حلمٍ مايفارق منامي
يومك طلبت الود طلته ولاعاق= مديت لك كف الوفا بالتمامي
هذا فؤادي من ضنا البعد مافاق= وشلون يسلى وعاده الجرح دامي
ومادام عيّا حظنا إلا بالفراق= خلّ العتب ماعاد ينفع ملامي
.
.
شاعرتنا الرائعة
إنكسارات النخيل
.
.
يعز الكلام في هذه اللحظة فرحا بعودتكِ الى منابعك
واعجابا بهذا النص العذب ولاأجد ماأقوله سوى :
صح لسانك ملايين . .
.
.
دمتِ بهذه الشاعريه . . .
.
.
تقبلي فائق تقديري واحترامي