[فواز المطيري]

السَلامُ عَليكم وَرَحمة ُ اللهِ وَبَركَاته . .

لا جَديد إلا اللقاء بِكُم . .
بَعدَ جُرعَةٍ مِن غيَاب تَنَاولتُهَا . .
ذاتَ مَساء دونَ إرادةٍ مِني . .
.
مِنكم المَعذِرَه . .
وَ


لَكم

. . [ رَمز وعَلامَه ] . .

.

.

من مايعدّك عون لا تذكره عون=ومن مايشوفك ذيب شوفه هلامه
ماهو كلام اللي من الكتب يقرون=ولا كلام اللي يخلى كلامه
هذا كلام اللي على الطيب يربون=والطيب للطيّب رموز وعلامه
ولا تسمع الهرجه من اللي يهرجون=بعض الهروج اطير منها العمامه
وطبع البشر فالهرج دايم يحلوّن=وبعض الحلا للقلب سقم وعدامه
تيقن إن جاء بالخبر شخص مجنون=من قبل لا تشرب زلال الندامه
وتبكي عليك عيون وتفارق عيون=وتطلب من الله العفو والسلامه
من بعدها لا تامن اللي يخونون=ناسٍ تفكّ ارياقها بالرخامه
عليك باللي للطويله يعدّون=قومٍ خلقها الله جود وشهامه
عند الصمايل والشدايد يقومون=وكلٍ على ماقيل يعرف مقامه
واللي يحب يشوفك تعيش في هون=يضحك معك ويجاملك في كلامه
لا تواخذه واسحب على القاه سيفون=ماهو صحيبك لو يبين اهتِمَامه
يضحك ورى الاحزان وللفرح محزون=يدّس راسه مثل راس النعامه
ماهو بمكسب يوم كلٍ يعدّون=الا خسَارَه رفقته وانضِمَامه
صاحِبك من صاحَبك في عسرٍ وهون=بعير ضاري للثقيله سنامه
ماهو من اللي فالشديد يشدّون=وغيره عليه اكسين ضرب وعلامه
حبّيت ابيّن شي خافي ومكنون=نوره يزحزح ما لقى مِن ظلامه
من مايعدّك عون لا تذكره عون=ومن مايشوفك ذيب شوفه هلامه

.

.

[ خُلِقَ مِن عَلَق ]