البارحة ما هملج الطرف بنعـــــــاس
 

البارحة ما هملج الطرف بنعـــــــاس***ما فاض من نجم عيوني تخيلــــــــه
&&&
لا باس يا عيني على السهرلا باس***على وليف ٍ فات ما القى مثيلــــــه
&&&
عنا قطع شوف المواصل له ارماس***ولا في يدي من ناب الارداف حيلـــه
&&&
فيما مضى ياخذ جوابي من الراس***واليوم لا عاني وأنا ما اعني لــــــــه
&&&
العشرة اللي ما توثق على ساس***تطيح لو صارت حصون ٍ طويلـــــــــــة
&&&
يا ونتي منها المعاليق يبــــــــاس***صبري قضى ما باقي الا قليلـــــــه
&&&
صبرت صبر ٍ صابني منه وسواس***صبر له النفس العزيزة ذليلـــــــــــة
&&&
على وليف ٍ حال من دونه الياس***والياس طب ٍ للقلوب العليلــــــــــة
&&&
من يتبع المقفي مرده للافلاس***مثل الذي بالقيظ يدفق صميلــــــــه
&&&
هذي دروب الحب جِدَّد ودراّس***الله يمضيها بستر وجميلـــــــــــــــه
&&&
موفق ٍ للخير ياظبي الأطعاس***لا تحسب الدنيا بأهلها طويلـــــــــه
&&&
و صلاة ربي عد ما هب نسناس***على نبي ٍ وضح الله دليلــــــــــــــه
&&&
منقووووووووول
للشاعر / عبدالله اللويحان

صح السان الشاعر وبيض الله وجهك اخوي مشاكس على هذا النقل المميز والابداع

لاتحرمنا من جديدك

سلملم

هلا عبدالعزيز
اسعدتني طلتك الي نورت الموضوع
بالنسبه للقصايد المنقوله كلامك صح
بس خبرك اخوك ضيف جديد ولا بعد عرف الدروب

مشكور اخوي مشاكس ع النقل وحسن الذوق والاختيار
صح لسان الشاعرعبد اللة اللويحان

عناوين الدموع اسعدتني طلتك