أبوس إيدك ( نزف قلب : محمد سنجر )
 

أبوس إيدك

أبوس رجلك هوي الحبل على رجلي و لو حبة

و أخرتها معاك يا با

عشا ن خاطري أبوس إيدك

و ليه يا با مكلبشني و بيني و بين ولاد اخويا

مفيش بينا الا بوابة

سامع صوتهم و مش قادر بقى اتحمل

مكتفني و البوابة مفاتيحها معاك يا با

سامع صوتهم و أنا إيدي على خدي

بتنهشهم قرود خنازير كلاب سعرانة و ديابة

و طول الليل سامع صوتهم و متسلسل

و آآآآآآآه يا با ....

ما فيش بينا الا بوابة

و فات كام يوم و سايبنهم ف عز الرعب

وحديهم في قلب الضلمة في الغابة

لا عاد فيه سقف يداريهم من ولاد الكلب

و برق و رعد طول الليل مهانة و ذل و كآبة

و لما الصبح بينور ألاقي كومة م الأشلاء

و نوافير دم تتفجر من لحم يتامى و غلابة

عشان خاطري أبوس إيدك أبوس رجلك

ماعدتش قادر اتحمل خلاص يا با

ولاد أخويا مفيش بينا الا بوابة

سامع صوتهم و حاطط إيدي على خدي

بأدندن و ابكي أطفالنا بمزمار حزن و ربابة

و الاقي صوت ولاد الكلب بيشوش على صوتي

قرود خنازير ولاد خنازير كلاب سعرانة و ديابة

بتدندن و ترقص غصب بالجزمة و فوق راسنا

بصوت طيارة أو مدفع و دبابة

http://www.manab3.com/vb/images/mnb_...t-top-left.gifاقتباس:http://www.manab3.com/vb/images/mnb_...-top-right.gifhttp://www.manab3.com/vb/images/mnb_...ot-by-left.gifالمشاركة الأصلية كتبت بواسطة عاشق خيال http://www.manab3.com/vb/images/mnb_...s/viewpost.gif http://www.manab3.com/vb/images/mnb_...t-by-right.gifhttp://www.manab3.com/vb/images/mnb_...p-right-10.gif ياسلام عليك يا محمد سنجر
كلمات مملوئة بالقهر و الأسى على ما يحصل لأهلنا في غزة
بارك الله فيك

وتقبل مروري...
http://www.manab3.com/vb/images/mnb_...t-bot-left.gifhttp://www.manab3.com/vb/images/mnb_...-bot-right.gif

جزاكم الله خيرا
عاشق الخيال
دمتم و دامت غزة بحفظ الرحمن