|
وجهة نظر!!
ايه القصايد لعبتي من يومني طفلٍ صغير وايه التحدي مذهبي ومقارع فحول الشعر كان التفاخر بالعدد عندي ترى منها الكثير وكان المعاني صيتها حزته وانا كلي فخر مانـي ابو الطيب ولا عنتـر ولا حتى جريـر انا قحطاني لا قصد تطلع من حروفه درر ابياتي لامن صغتها في ذمتي يمكن تطير من فكرها من وعيها من نظمها وزن وبحر مالي طقوس محدده لاني خبل لاني ضرير هو ما يجول بخاطري يرسم على الصفحه فكر شاعر خيالي موطني احساس من وحي الضمير اجمع احاسيسي بشطر وانثر احاسيسي بشطر ما اشبه بشعري أحد وازعل اذا قالوا كبيـــر عمر اللـــقب ما همني ان زادني ولا قصــر حتى الكتابه في الصحف والامسيات اللي تصير مالي مزاج لسحرهم لا مالهم عندي ذكر الشهره عندي لا غدى شعري كما البدر المنير ايضوي للعالم مسى فيه المظالم والكدر الشهره عندي لا وصل شعري الى قلب الفقير اللي يسولف للعنى وشلون خاواه وصبـــر الشهره عندي في قلم يكتب عن احلام الاسير اللي فدى بروحه وطن واستوطن بقلب الأسر الشهره عندي في دعاء الليل في الثلث الاخير لا قمت ادعي خالقي رحماك يا رب البشــر شعري رساله ساميه بين البشاره والنذير ارسم ملامحها وانا شاعر ولي وجهة نظر شاعر وقلبي أمسية صفق لها الجمع الغفير دام التفاني رايتي من حق قلبي ينشهـر يكفيه عانى ما لقى من صد واحزان وهجير يكفيه لا جرب يحب يرجع في صدري منكسر يمكن سواليف الهوى ماني بها واحد خبير لكن اذا عشقي دنا خليت له قلبي خضــر العمر يحرث ما مضي والشيب اتعبه المسير لا طلت ارض ولا سما والحظ ما عنّه مفــــر وللعلم يكفيني بخت ثنتين ما فيهم صغير قحطان عزي والفخر والثانيه بلادي قطر 20-12-2005 |
خالد القحطاني و نعم فيك و بـ قحطان كله يالقرم نص لـ النخبة بـ معنى الكلمة سـ أعود لك أيها الخالد |
وللعلم يكفيني بخت ثنتين ما فيهم صغير قحطان عزي والفخر والثانيه بلادي قطر ونعم فيك سلم حرفك وفكرك دمت بود |
. . حضور أول ولي عودة . . |
بسم الله الرحمن الرحيم خالد القحطاني السلام عليكم ورحمة الله وبركاته والنعم في قحطان وفي كل القبايل وصح لسانك والله يعطيك العافيه قصيده جزله خليل المطيري |
خالد القحطاني الساكن في القلب نص يحمل الشموخ و العزة و ليس بـ الغريب على شاعر بـ حجمك يا خالد استمتعت بـ حضورك قبل النص و بـ هذا النص زاد الإستمتاع صح لسانك و لاهنت تقبل تحياتي |
// القـلـم الراقـي .. وجــد الكتابـه // شـاعر قرأته منذ زمـَـن .. والآن اقرأه من جديد .. ومن خلال هذا المنتدى الجميل ،، الشاعر / خالد القحطاني كفوو .. وألف نـعـم ولاخلا ولاعدم // // م . ع |
الله الله يا شاعرنا خالد أبدعت بكل معنى الكلمة
صح لسانك ملايين و لا يكفون و سلم بنانك قصيدة جزلة ووافية من شاعر جزل لله درك من شاعر لا هنت ولا هان قلمك تقبل خالص تحياتي اختك ونين |
. . الخالد / وجد الكتابه.. كلما أفقت.. ضرب بي حرفك..حائط الجنون لله درك..ما اجمل دُرك صح قلبك / كلك . . ودمت بحب...// |
. . كفو كفو يابووليد وحتما" سأكرر الزياره لهذا المتصفح الذي إزدان بك وبتواجدك . . . . دمت ياشعر . . |
| الساعة الآن 02:41 AM |
Powered by vBulletin® Copyright ©2000 - 2026
