|
بنت الرجال تشوم عن درب الانذال ..
متواضعه كلي أمل أن تجد في ذائقتكم الراقيه ترحيبا وقبولا .. http://www.alm3na.net/vb/images/smilies/00105.gif
بنت الرجال تشوم عن درب الانذال=وتبعد جنابه عن دروب الرديه ماهي في درب العشاشيق تختال=ولاهو طموحه يوم تصبح خويه ولاهي بتشرى بشحن هاتف وجوال=ولا لا ولاتشرى بعطر وهديه ولاهي من اللي كل يوم(ن) لها حال=وعنده من الاصحاب عشره وميه اليوم مع هذا بلا شك وجدال=وبكرى مع هذاك تعقد يديه هذاك ترسل له من الحب مرسال=وغيره معاها بالمسنجر سريه تضحك عليهم واتغنج وتحتال=وهم ياحرام يجون باجزل عطيه أحد(ن) تبي منه أسوار وسلسال=وأحد(ن)فواتيره يسدد هديه وأحد(ن) لها يحول ألوف(ن) من المال=وتضحك وهي تقول دينك عليه وش ينفعه لاقيل بالأسم رجال=والبنت تلعب فيه صبح وعشيه أنا اشهد انه لو لبس بشت وعقال=ماجمله بشته بعين اجوديه ووش عاد لو هو مالك قصور واموال=واسمه مسجل شيخ وسط الهويه الشيخ من بيته للاجواد مدهال=ماهو بشيخ فلوس لارحم حيه وبنت الرجال اللي تعزوى بها رجال=عينه على الاشباه ماهي شقيه مايشوق بعيونه سوى طيب الخال=اللي يدينه من عطاها نديه عينه على الطيب تناظر وتختال=ولد الرجال اللي علومه غنيه ولو كان مايملك بيدينه ريال=ويده من كنوز الدراهم خليه يكفي ألى من مر ذكره بالامثال=والكل قال ونعم ياحي حيه ألماسة(ن) ماكل من هامها طال=وكل(ن) يبيها بس ماهي دنيه مصيونة(ن) عن قول حاسد وعذال=ومحشومة(ن) عن درب ذم وخطيه تخاف من هرج(ن) يجي فيه محتال=حكيه شهد مدسوس في سم حيه الطرف يغضي غصب لاشاف رجال=والعين ماله بالنظر مقدريه هي مهرة(ن) مايعسفه كود خيال=ذيب(ن) سنافي عز من هو خويه حر(ن) شلع مابين هامات وجبال=له نظرة(ن) ترث بالاعماق كيه على النقى يصبح لها في وظلال=قدام كل الناس ماهي خفيه بوضح النهار بدون ريبه ولا اقوال= الصح واضح والخطيه خطيه هذي هي اللي تنشرى بغالي المال=ويرخص لها الغالي وتشرى يديه وهذي تساوي بعزته ألف رجال=وش عاد لو هي بالمسمى بنيه وهذيك ماتبغى ولو مهره ريال=ولااحد(ن) يبيها كود خبل(ن) دهيه سبحان من هو فرق الناس بااشكال=وألوان وأفعال(ن) وحسنى وسيه ومثل مافيه رخوم بالناس ورجال=أيضا بنات الناس ماهن سويه تقديري للجميع http://www.alm3na.net/vb/images/smilies/00105.gif |
الغالية / العليا ..
كفو والله وعز الله إنك بنت رجال قصيدة شامخة بشموخك صح لسانك إلى آخر درجات الرضا وأشكرك من الأعماق على هذا الامتاع وتقبلي فائق احترامي وتقديري أخوك / قديم الشوق |
العليا نصٌ يسمو بنا لـ العليا كما أشعرُ دوماً في نصوصك و أقولُ ذلك صح لسانك أختي تقبلي تحياتي |
العليا .. ونص غارق بالوعي والحكمه ..
صح الله لسانك على هذه القصيده الرائعه .. كل بيت في هذه القصيده عن قصيده .. إلى الأمام يالعليا وفي رعاية الله |
سبحان من هو فرق الناس بااشكـال
وألوان وأفعـال(ن) وحسنـى وسيـه ومثل مافيه رخوم بالنـاس ورجـال أيضا بنـات النـاس ماهـن سويـه العليا شمووووووووخ من هنا للسما رائعة صح قلبك ولاهنتي |
العليا العليا العليا نص لا يُضاهيه إلاّ الجمااااااااااااااال نص غارق في الشموخ لا أجد أي كلمات تعطي هذا النص حقه ألف ألف ألف صح لسانك ولا هنتييييييييي |
العليا
صح نبضك قصيده في قمة الروعه تسلم يمناك ولاهنتي تقبلي مروري |
حضور راقي
ونص غارق بالجمال ودي وتقديري |
اقتباس:
كيف لايتباهى الحرف ويعانق السماء وقد حظي بهذا الحضور الأول الفاخر صح بدنك يااخوي وطاب فالك مدى العمر تقديري لك... |
اقتباس:
ويتساقط رذاذا بارد بأرضكم النقيه هنا حيث الأدب صح بدنك وطاب ذكرك تقديري... |
| الساعة الآن 12:41 AM |
Powered by vBulletin® Copyright ©2000 - 2026
