هب النسيم وزايد القـول كاويه=وأهتز قلب ٍ في ضميري مقره
مانيب ندمان ٍ ولو كنت هاويه=لكن حقيقة عصرنا اليوم مُره
حقيقة ٍ ماهي على الخير تاويه=تبكي على ماصار منه وتِشرّه
درب الأمل يابنت غصب ٍ وأخاويه=أمشيه حتى لو خفوقي تشّره
من يومها والقلب حيه مكاويه=أحسّهـا باليـوم ألفيـن مــره
سألتها والقلـب تكثـر حكاويـه=لقيتهـا فبعـض الملاقى تِكرّه
وحسيت أنا فالقلب سِبة مساويه=وحسيت في داخل فـؤادي بحرّه
نسيتها والقلـب ماأقـدر أداويـه=ودعتها واطلب من الله المسره
اللي ذبحني من الحلا ماأقاويـه=ولا ظروفه عن وصالي تِجُره
مصيرها أيامه تـرده وأراويه=وأسقيه نفس الكاس ويذوق مُره

المشاركة الأصلية كتبت بواسطة مازن الطباع (المشاركة 128483) عبدالعزيز الرقابي صح لسااااانك مليوووون ولا يكفون على هذه القصيدة الراائعه التي عانقت السحاب بروعتها وجمالها فـــ لله درك يالغالي ولا هنت لا تحرمنا من جديدك تحياتي العطرة لك ولقلمك الرااائع

المشاركة الأصلية كتبت بواسطة عسافه (المشاركة 128484) عبدالعزيز الرقابي مصيرها أيامـه تـرده وأراويـه وأسقيه نفس الكاس ويذوق مُره صح نبضك على هالقصيده الرائعه وتسلم يمناك ولاهنت ولاهان راسك تحياتي عسافه