دمعة العشاق لـو يبخـل بهـا الرجالـي = ماتزيـده غيـر فخـر وعـزه وجاهيـه
ياحمد.دمعـي عزيـز يشمـت العـذالـي = بس.والله مابخلنا به علا بدرررررررررريه
يوم قالت لي فمـاااان الله فـي جواالـي = سالت دموعـي! ودقـت بعدهـا بشويـه
ثم قالـت .انـت تبكي؟قلـت لا يالغالـي = دمعة مرت عـلا عيـن الشقـى جبريـه
كيف اقاومها وهي غصبا علي تبـرا لـي = تندفق من موق عينـي والمواجـع ليـه
وانت تسقيني مرار وتشرب مـن الحالـي = مالـك قلبـي ولا لـك ياحبيبـي جـيـه
تدري اني جيـت امـول وابـدع الموالـي = ثـم نسيـت الشاعـر وغنيـت ياموليـه
جعل يسقى يـوم كنـا يالغضـي جهالـي = مانعـرف الحـب.ولا دلـة العصـريـه
مانعـرف الا التـراب ونرسـم التمثالـي = المواتـر عــود والافــلام كرتونـيـه
دالهيـن مـن الجمل.والحمل.والجمالـي = ودالهين من الدراسـه .واحفـظ الالفيـه
ودالهين مـن القبايـل ياعريـب الخالـي = ودالهين من العيـون اللـي بلاهـا فيـه
طحـت مـن نظراتهـا ويـلاه واعزالـي = ارفع المعلوق تلقى فـي الحشـا ماريـه
اسمحو لي .ودي اوصف واخاف اقوالـي = ماتوفيهـا ولا تنـفـع لـهـا مولـيـه
اوصف البسمات .والغمزات.عـال العالـي = بديها وافـي. واحـب انوارهـا الغازيـه
لقبلت في ذمتـي خايـف لقـول اهلالـي = ولدبرت كنها من الليـل الغلـس مطليـه
الشعـر كنـه علـى ردفينهـا شـلالـي = ماتـفـرق بـيـن هـذيـه ولا هـذيـه
والعيـون مكحـلات والرمـوش اظلالـي = مابقى الا اقول هاتو عزبتـي فـي الفيـه
والخشم سيـف صقيـل ماسكـه خيالـي = ركبـه ربـي وزيـن خلقـة النشمـيـه
والمبيسم وش اقول؟انت اتعـرف لطفالـي = بعظهم يشرب .حمر .ثم (يلبس الطاقيـه)
لا بصـم فـي شفتينـه قلـت ياحلالـي = والله ان ؟تيـا ؟ شفايفهـا معـه عاريـه
(والبرد شوفه) فداه الحـال قبـل المالـي = كنـه اليـا مـن تلعثـم ينطـق العبريـه
والمعنـق كنـه معنـق غـزال سـالـي = والتفت ثم شـاف ذيـب حالتـه مرثيـه
والنهـود مركـزات كنـهـا الفنجـالـي = مالمسهـا الا الحريـر ويـده المحمـيـه
ضامـر سرجوفهـا مابـه ولا مثقـالـي = ةاشهد ان الخصر لين مـن ليـان الحيـه
والـردوف مزبـرات والفخـوذ اثقـالـي = يستغير الثوب طيـه مـن وراهـا طيـه
كنه ايقول امشي الحالش وانا فـي حالـي = انجـزم قلبـي وانـا والله مـا بيـديـه
غير نظرات العبـاد وشيـن حـظ وفالـي = وهرجة من واحد لـه فـي كلامـه نيـه
فوق ساقيـن بوصفهـا واقـول اجلالـي = مدمجات.مبرمـات.والـقـدم مـبـريـه
لا مشت بين العرب يضرب بها الامثالـي = كامـلـه والكـامـل الله ورده البـريـه
لو تجي في دولة الحكـام صـارت والـي = تنتزع عرش الحكـم .بالخطـه المخفيـه
لو مخاف انها تناقصني حذفـت اعقالـي = للقـوام اللـي اعروقـه كلهـا (نجديـه)