جعلت الك العمرمرفا..وروحي بيتك الحاني=على صدق المشاعر..لك قصايد حبك ا رسمها
نقشتك..في جدارالعمر..لا الأول ولا الثاني = سكنتي و حدك...بقلبي وفيك الروح.واسمها
أمرك الله في حبي وفيك الله وصاني=قريت حروفك اللي ماتحيرني طلاسمها
سقيتيني غرامٍ ماهتنابه قبلي انساني=مشاريب الغرام..اللي لي الخلاق قاسمها
نعيمٍ وارفٍ عشته..وأنا لاثماره الجاني=قطوفٍ دانيه غضة ولحظاتي مواسمها
إذا يجتاحني ليلك..يشع الصبح بأحضاني =وإذا تجتاحني شمسك دجى ليلك..يقسمها
لك أوصافٍ تميزتي بها عن قاصي وداني= سمت روحٍ تسامت في جسدك الله جسمها
فديت أعيونك اللي من عرفتك..صارت أوطاني=فديت اشفاهك اللي يزرع آمالي تبسمها
لو..الدنيا تحت ملكي.ولي حكمة سليماني= وهبتك.كل مافيها ولامعك آتقاسمها
وجودي معك..يعني للحياة أشكال والواني=تدوم أفراحي اللي مابعد ملت مراسمها

الشــّــــــاعر


بندر الرّشيدي




صح لسانك أخي الكريم ولاهنت ...