مصافحه أولى أتمنى أن ترتقي إلى ذائقتكم

إيه وش بقالي منك ياعذبة الرررريق =غير الهموم وغيـر وجـه المرايـا
الليل دمعـه فـي غيابـك مدافيـق =والصبـح نـوره ميـتٍ فالحنـايـا
الحـزن نـوّخ طعنتـه فالمعاليـق =والجرح سوى في خفوقـي سوايـا
كنت ملاذ القلب في حـزة الضيـق =وكنت علـى سـود الليالـي معايـا
يا مشغلتني لو بقى هـم مـا طيـق =الهجـر ذبّـاح القلـوب العطـايـا
الناي صوته فتّـق الجـرح تفتيـق =والوقت وزّع مـن جروحـي هدايـا
لا قلت باكر ينعش القلـب ويفيـق =ما شفـت باكـر قادنـي لمبتغايـا
مرحـوم قلـبٍ ذاق قـل التوافيـق =ومرحـوم حـبٍّ ضيعتـه النوايـا
يا بنت ما ظني مـن البعـد بافيـق =وكل الأماني فـي غيابـك ضحايـا

المشاركة الأصلية كتبت بواسطة سراب (المشاركة 98521) الليل دمعـه فـي غيابـك مدافيـق والصبـح نـوره ميـتٍ فالحنـايـا :rose: أبيات عذبة في منتهى الرقة والجمال تعكس شاعرية مميزة لك شاعرنا إبراهيم العتيبي بانتظار المزيد من بوح حروفك

المشاركة الأصلية كتبت بواسطة عبدالله الخليفة (المشاركة 98580) إبراهيم العتيبي نصٌ جميل و حضورٌ راقي صح لسانك و جاد بيانك تحياتي