لا عادتي الشكوى ولا ني بشكّاي=ولا ني بشاكي الهم ، لو كنت شاكيه
انا لي الله فارج الهم مولاي= قادر يضحكني.. وقادر يبكيه
مولود انا .. والهم مولود وياي= آه ٍ على هم ٍ لقلبي مخاويه
اخفي همومي بين ضحكي وبسماي=لكن عيوني حالفه ما تخفيّه
يا هم قلبي ، من عرف كبر بلواي=نسي همومه واكتفي بس يطريه
اقضي الليالي غارق ٍ بين دمعاي=الله حسيبه كيف يضحك وانا ابكيه
وما غير اناظر نجمة الليل بسماي=واحكي مع النجمه وكنّي احاكيه
خليتيني يا هم اعشق صدى الناي=واكتب على المسحوب حرفك واغنيه
من كثر ما يسكن بقلبي وحناياي=لا غاب عني لحظة ٍ قمت اناديه
ولا شفت همي مقبل ٍ رحت له جاي =يامرحبا به جا ويالله تحييه

المشاركة الأصلية كتبت بواسطة لون الثلج (المشاركة 96556) " خالد بن عبدالله صح لسانك ..ياهلا فيك ومن طول الغيبات جاب الغنايم قصيده أستمتعنا بها جميعاا لاتحرمنا من روائعك إحترامي .... .

المشاركة الأصلية كتبت بواسطة ظافر الأحمري (المشاركة 96592) سلمت وسلم نبضك على هالنص الراقي سجل اعجابي ومتابعتي ولك تحياتي

المشاركة الأصلية كتبت بواسطة ( حايره ) (المشاركة 96616) خليتيني يا هم اعشق صدى النـاي واكتب على المسحوب حرفك واغنيه . . . خالد دائماً تأتي بالجميل وحروفك العذبة تجبرنا على القرأة أكثر من مرّة ألف صح لسانك ولا هنت