يا طير وصّل سلامي حقْ هاجري = و اقريه مني التحية إن كنت هام
يا طير حلّق ع داره و ارسل إشا = رة ، عابرة منك تضوي وهج الهيام
من يوم بي ساء ظنّه عني ارتحل = يا طير ، و احرق شعور ٍ بالجوف تام
إن كان ناوي ع تعذيبي باحتمل = و آصبّر النفس لو ترحاله سقام
آنا زماني ابْتدأ من يوم عرفـ = ـته ، وْ في الفكر صنت حبّه بدر التمام
مسموح كانه تغلّى اليوم على = حبّي ، و مسموح له يرجع بالتزام
و ان ضاق صدري على وصله ما يضيق = مشتاق للوَصْل شوق الماء لليمام
و ان طال صبري بلا طيفه ما سرت = في داخل القلب نشوة و الحظّ نام
يا طير كاهي عيوني له لو بغى = و باهديه شعر ٍ على كْفوف الجرح قام
وش حاجتي في عيون ٍ تعجز تنا = ظر ، صاحبي ؟! فقدها ما يجلب ملام