|
لأجل الغلا
يازين لأجل الغلا عنّيت رجليّه=مشيت دربٍ غرامك صار عنوانه عانيت فالدرب روحاتي مع الجيه=وفي كل الاحوال حبك عاليٍ شانه يازين والله غرامك ساكن هنيّه=في وسط قلبٍ على طول الدهر صانه قلبٍ صفالك وصفّا يمك النيه=لاشك هذي ظروف الوقت خوانه لاتحسبن المفارق كان بيديّه=نفسي على شوفتك يازين ولهانه ولاتحسبني نسيت الحب موليه=ماني أنا اللي يغيب وينكر أوطانه أنت الوطن وأنت لي دوله خياليه=أعيش فيها زعيم الحب وسلطانه من عاش بأول حياته فالسعوديه=يبقى سعودي ولو هو غيّر أوطانه مثل التشابه تراها ذيك مع ذيّه=تبقى بقلبي وحيد وسيد خلانه |
أخي فهد الراااشد
الله الله عليك قصيدة في قمة الروعه وابيات غارقه بالجمال والعذوبة فـــــ لله درك ولا هنت وصح لسانك مليووون ولا يكفون واعتلى شانك على هذه القصيدة الجميلة التي بجمال حضورك ورقة تواجدك تحياتي لك ولقلمك الراااائع |
:
قصيده رائعه يعطيك العافيه لاتحرمنا ابداعك أحترامي لك..// . |
شاعرنا المبدع
فهد حمود الراشد قصيدة رائعة وجميلة صح احساسك ونبضك كل الود لك إيمان |
اشكركم على الردود الجميله ولا هنتم
|
فهد الراشد صح الله لسانك ولاهنت حضور جميل وملفت فائق تحياتي |
صح بدنك اخوي حمد ولا هنت
|
صح لسانك وتسلم يمناك حضور متألق ورائع تحياتي لك ولقلمك المبدع |
. . شاعرنا فهد الراشد . . صح لسانك مدد بلاعدد على هذه القصيده الرائعه بروعة حضورك وتواجدك . . . . إبداع ممن إعتدنا منه الإبداع والتميز . . دمت بهذه الشاعريه . . . . . تقبل فائق تقديري واحترامي |
أخي الغالي / فهد حمود الراشد ..
صح لسانك وأنا أخوك قصيدة أكثر من رائعة من شاعر متمكن وجزل شكرا ً لك على امتاعنا برائعتك العذبة وتقبل خالص تحياتي وتقديري أخوك / قديم الشوق |
| الساعة الآن 09:55 AM |
Powered by vBulletin® Copyright ©2000 - 2026
