يا غايبه نامت عيون المدينه = ومن طال بعدك هاجروها أهلها
وبيوتها من يوم رحتي حزينه = ما احدٍ يطق أبوابها أو وصلها
حتى المدارس في ضجرها سجينه = قامت تلوم فصولها من جهلها
حتى شواطيها نستها السفينه = وحتى النوارس سافرت من مللها
والبحر بترابه وميّه وطينه = سافر بدونك غربته ما إحتملها
والعين عقبك ميّها عايفينه = وورودنا ذبلت وماتت محلها
حتى النوافذ مغلقه مستكينه = من بعد ما كانت تشع بأملها
أول يغنّي الطير فيها حنينه = واليوم غاب سنين حتى جهلها
حتى ملامح حيّنا تذكرينه = شابت وصارت ميّته من كهلها
طفّت شوارع غيبتك هالمدينه = متى تردّين الحياة لأهلها

وبيوتهـا مـن يـوم رحتـي حزيـنـه=مـا احـدٍ يطـق أبوابهـا أو وصلهـا

الله يديم التواصل بينا يا بو خلف
صح الله لسانك على هذي القصديه جميله

المشاركة الأصلية كتبت بواسطة لون الثلج : صح لسانك قصيده جميله لاتحرمنا من ابداعك أحترامي لك.. .