قصيدي .. ما بقى للشعـر دافـع = ولو جزْله كِثَـر مـا هـو بنافـع
زمـان اليـوم ماهـو (للكتابـة) = زمانـك ( للكتيبـه) والتـدافـع
قصيدي .. تكذب أبياتك ، وتصدق = رصاصـات البنـادق والمدافـع
(رصاصه) .. تِسكت الشاعر ولكن = (قصيدة).. ما ترد كفوف صافـع!
قصيد أهل الهوى شيّب وشابـوا = و وطيس المعركه فتـيٍ ويافـع
على صوت (الفشق) طاحت عمايم = وعلى شِعر (الفسق) طارت ملافع
وديوان العـرب لـو بـه فرايـد = فلا هو عن خطايا الوقـت شافـع
فلا بالمـدح رفّـع لـه مواطـي = ولا هو بالهجـاء وطّـى روافـع
قصيدي .. كلمة الشاعر عقيمـه = وقضيّـه خاسـره قبـل الترافـع
وقنابـل هالمعـارك لا تـهـاوت = علـى روس المُهاجـم المُدافـع
مثل وبْل المطـر لا مـن تهامـل = ضرر وبله يجي رُبـع المنافـع!
قصيدي .. عندك لحكيِك سبايـب = وأنا عندي على صمتـي دوافـع