الليله هذي غلاهـا غيـر كـل الليـال=كـان فيهـا التلاقـي بيننـا بالقلـوب
ياهلا ماهي اللـي تقـال بأيـات حـال=ياهلا اللي ماتقال الا لغالـي ومحبـوب
عد موج تتالا وارتمـى بحضـن جـال=عقب ماقطع المسرى الطويل مغصـوب
وعد ماللشمس معنى ومعنـى للظـلال=بين حد الشروق وبيـن حـد الغـروب
الفناجيـل تحكـي ماحوتـه الــدلال=دام فيها الحشيمه مابهـا مـن عيـوب
وكان تقرأ الاجابه في عيـون السـؤال=دوك وزن القصايد فوق سرج الهبـوب
ليا عطينا المعاني من المعانـي مجـال=جت مهره من مهار القصايد لعوب
جت معها من افواج الضنـون احتمـال=وكيف تاخذ سلوب وكيف تعطي سلوب
المحال اللي تروم المستحيـل المحـال=كل معنـى معاهـا للقصيـد محسـوب
استمالت عيون الوجـد ليـن استمـال=وجدها من عيـون تستميـل الـدروب
غيرها من تربع فوق عـرش الجمـال=في عيونه سلام وفي عيونـه حـروب
تلتقي في عذوبتهـا جميـع الخصـال=وفي محاجرها ثقافات وعصور وخطوب
تعطي ابعـاد اخـرى للدلـع والـدلال=تشرح النور في نضراتها لـو تـذوب
اتعبتني معاهـا فـي خصـام ووصـال=ورحت معها بصوب وجيت معها بصوب
لين نوخت ذود الشعر عشـق وخيـال=بين شف الشفوق وبين عشق الطروب
والله ماضاقـت علـى وجـه الابطـال=يكفيك بـه رب وكـل شـي مكتـوب
والليله هذي غلاها غيـر كـل الليـال=كل مايذنـب المعنـى يجينـي ويتـوب

المشاركة الأصلية كتبت بواسطة حماد القريني صح لسانك وجاد نظمك لاهنت ولاهان راسك تحياااتي

المشاركة الأصلية كتبت بواسطة سليمان العقيل صح لسانك وتسلم يمناك حضور متألق ورائع تحياتي لك ولقلمك المبدع

المشاركة الأصلية كتبت بواسطة ظافر الأحمري سلمت وسلم نبضك على هالنص الراقي سجل اعجابي ومتابعتي ولك تحياتي