اصافحكم في هذه المتواضعه علها ترقى الى مستوى ذائقتكم

.................. (للأمانه سبق لها ان نشرت )

تقبلوا شكري مقدما على المرور...


.... رحـــلـة اقـــلامـــي ::::::


تبدأ ليامر طيفك رحلة اقلامي

............................... يم الورق ويحداها شوق ضميانك

ماتدري شلون كانت فرحة الهامي

.............................ماتشوف طيفك تعجب من كبر شانك

استحظر اشياء كل الكون قدامي

...........................واستعذب الوصف في خوخك ورمانك

طرش القصايد فـبالي ورد وضامي

............................وحلفت له مايصدر كود رويانك

مترامي المجد لأجلك صار مترامي

..........................كل المشاعر واحاسيسي من اوطانك


اما كتبتك سلام لجرحك الدامي

.............................والاعتقتك من اشجانك لاشجانك

الشعر واللي تمرد طيش باحلامي

.............................ماغنا الاحساس الا وهذي الحانك

مقامك ادري رفيع ومنزلك سامي

..................................وعند الثرياء سوالف خيل جدانك

مافيه خافي علي وربعي حزامي

..............................وراك ماتنتبه وتشوف بعيانك

تمر خيل وقصيد وناس وآسامي

....................................في موكب الوصل لامن غاب حرمانك

ماخفت من رمية ماهبت من رامي

......................................مازعزعتك الظروف وصنت من صانك

وشلون كان الزمن في درب الايامي

......................................يحكي عن الورد وانفاسك والوانك

المنهج اللي مهو عالدين الاسلامي

............................خله ولو ينهجه واحد من اخوانك

اطهر معاني التواضع لبس الاحرامي

.............................وازكى المسافات تذكيرك ونسيانك

من اول النزف لآخر آخر آلآمي

..............................يكفيني اني وهبت الدرب عنوانك

والشرد اللي فحلها مترف وحامي

............................ماصخر اقصى مداها سيد اوزانك

خلاص نام السهر وانتي بعد نامي

.............................الليل طالت معاناته من اجفانك

مقامك ادري رفيع وحيل متسامي

...........................سبحان من ميزك عن باقي اقرانك

بس خل طيفك يجي في واحة الهامي

................................والله لاوقف قصيد الكون من شانك


***********************



وسلامتكم ,,,,,,,,,,,,,,,,,

المشاركة الأصلية كتبت بواسطة مزون المحمد شهاب الأحمد تشرفنا بك وبروعة حضورك الرائع صح لسانك ألف ولاهان حرفك الراقي دمت بألف خير

المشاركة الأصلية كتبت بواسطة حماد القريني صح لسانك وجاد نظمك لاهنت ولاهان راسك تحياااتي

المشاركة الأصلية كتبت بواسطة قديم الشوق أخي الغالي / شهاب الأحمد .. صح لسانك وانا اخوك قصيدة جزلة من شاعر مبدع شكرا ً لك على اتحافنا بهذه الشامخة وتقبل خالص تحياتي وتقديري أخوك / قديم الشوق

المشاركة الأصلية كتبت بواسطة إيمان السعيد شهاب الأحمد . . . شاعرنا المبدع صح احساسك ونبضك نص راقي جدا كل الود لقلبك إيمان