|
شاطي الخبر .. !!
سلام الله على شاطي الخبر ياشاطي الدمام
................ سلام الله على ارضه .. على ماه وعلى انسامه وسلام الله على غرو ٍ خذا قلبي الخلي من عام ................ وحّدر به وسنـّد به ووّجه به على خيامه هنوف ٍ كنها بدر الدجى يمشي على الاقـدام ................ يضوح بْها الفضا ساعة تمّر وتجلي اعتامه الى من عرّضت يم ّ الصويب ازرا وجاه سقام ................ يعين الله صويب القلب لامن جات قدامه خجول ٍ مايـسـة قدّ ٍ .. ندية خد بنت حشام ................. خدور ٍ ريـّة ٍ عذبة لمى ممشوقة القامه عنود ٍ من غلاها كنها من حسبة الارحام ................. لعوب ٍ تذبح الرجال في حلّه وفي احرامه حنون ٍ كنها أم ٍ رئوم وكننا أ يتام ................. جفول ٍ كنها خيل ٍ شرود ٍ هـّمل لجامه الى من وقـّفـت طاحوا لاوادم عندها خدام ................. هواها غاية القلـب الخليّ ومنتهى احلامه قريبة كنها علم ٍ ردي يْجيك من نمام ................. بعيـدة بعد كورنـيش الخبر عن ساحل تهامه غنوج ٍ لامـشت مالت وخالي القلب ماينلام .................. لها جيد ٍ كما جيد المهاة وخصر ٍ وهامه عريـبـة جد من قوم ٍ حشيمين ٍ عزاز كرام ................ من ْرجا ل الزمان _ الحايزين المجد _ وعظامه لها رمش ٍ اذا سلهم تضيع رجال وايـّا اقوام .................. ولها خد ٍ كما ورد الـربيع وقبلة ( وشامه ) يا ليتك قبل ما اشوف ( المها ) والموت يا غشـّام .................. فزعت وقلت لي دونك وكل ٍ يقضب خـْطامه وسـقى الله ليلة جيت الخبر من ساحل الدمام ................... وشفت الموت بعيون الغرام وذقـتـنا سْـهامه قديم الشوق |
وسـقى الله ليلة جيت الخبر من ساحل الدمام
....................... وشفت الموت بعيون الغرام وذقـتـنا سْـهامه قديم الشوق .. شاعرية عذبة لايختلف عليها اثنين لله درك من مبدع دمت بروعتك |
صح لسانك وجاد نظمك لاهنت ولاهان راسك تحياااتي |
قديم الشوق . . . شاعرنا المبدع صح احساسك ونبضك نص راقي جدا كل الود لقلبك إيمان |
قديم الشوق حضور رااااقي حضور بكل عذوبة كلمات فيها مشاعر دفينة ودافئة ألف صح لساك ولا هنت |
:
قديم الشوق صح لسانك لاهنت بجد رووعه وابداااااااااااع .. أذهلتني من روعتهاا يعطيك العافيه .. لاتحرمنا من ابداعك.. أحترامي لك |
أخي قديم الشـــــــوق
الله الله عليك قصيدة في قمة الروعه من شاعر ولا اروع صح لسانك مليوووون ولا يكفون واعتلى شانك تحياتي لك |
هنياله شاطي الخبر وصفت فـ أجدت و أبدعت إشتقنا لـ حرفك و شعرك و شعورك أبو نواف صح لسانك و لاهنت تقبل تحياتي |
صح الله لسانك ملايين
أحسنت وأبدعت يا الغالي أسجل إعجابي |
قديم الشوق http://ccs.jeeran.com/p2.gif أقف مكتوف الأيدي !! لله درّك يا شيخ صح كلك http://ccs.jeeran.com/p2.gif احترامي |
| الساعة الآن 02:08 AM |
Powered by vBulletin® Copyright ©2000 - 2026
