تعبتني وانا معـك يا راعـي الكف البخيل = تـعبتـنـي وأتـعبتـنـي بخـيـل وعيـنـي عـافتك
لا صرت بايعني وانـا شاريك نلقالك بديل = لانـك سـخـافـه والسـخـافـه منبـعـه سـخـافتك
خليتنـي مثـل الأمـل بيـن الخليله والخليل = واسرفت في بعدك معي واشره على مسافتك
مسافتك عـشـر ثـوانـي مـن قليـبـي لشليل = امــا تـخـليـنـي علـى هـالـحـال ولا طـافتك
تعبت اجامل وابتـديبك وأغتدي بالمستحيل = واقـول عـكـس الـمسطلـح حقيقتـي خرافتك
ألـين شفـت الـزاويـه متمـركزه بالمستطيل = وأبـعـد مـن انـجـوم الـثريـا شفـتـها لطافتك
عيشتـني حلم التـعـاسـه والبـلاوي والدليل = انـي مـبـنـج خلقـت ٍ مـن يـوم عيـني شافتك
ما قد طلبتك في حياتي وانت يا نسل النبيل = لامـن طلبـتك قـلـت لـي ابغى دبـل كلافتك
كلفتني زرع ٍ زرعته وانت لي مثل الحصيل = يعـنـي زرعـت ومـا جنيـت الأ بـقـايا أفتك
مرات ادور لك عذر ويصيـر قلبي لك كفيل = واقـول يا قلبـي دخيـلـك مـا علـى نظـافتك
خلـه مثـل غيـره يجـي ويروح كالعابر سبيل = ويـروح ويـدور ولا يـلـقـا مـثـل عـفـافتك
قـربـه سـواة الحنضـلـه والبعد مثل الزنجبيل = وانـتـه مثـل شاعر برز واظنها صحافتك
وان قال انا لديت لك قله ترى حان الرحيل = مهما تقول إمن الحكي ما تنفعك ثقافتك
يعني انا صبري قضى يا راعي الكف البخيل = لا عاد تطري ما مضى وأجمع بقايا أفتك