|
عيــــــد ـهـــــــم !
السلام عليكم ورحمة الله وبركاته كل عام والجميع بصحه وسلامه ومن العايدين عيد - هم ! . . .
العيد عند الناس عادات وافراح= والعيد عندي عيد حزن وكآبه لا حي متهني ولا اموت وارتاح=بيني وبين الهم عشق وقرابه من يوم راح اللي عن البال ما راح=الموت عندي والحياة اتشابه متى على الله كايد الهم ينزاح=وتشوف عيني من عسرني غيابه أصيح صيحة من له السيل مجتاح=واقنب قنيب الذيب بــ / ارض الذيابه مثلي عزيز ٍ ما تعثر ولا طاح=ماني ولد لاش ٍ وربعي شبابه لكن غزير الدمع للعين فضاح=لولاه حزني ما بدعت الكتابه ماهي غريبه لو كثير العنا صاح=لو ما بكيته دم ذيك الغرابه إي والله اني ما نسيته ولا راح=أنساه لين القوس ينسى الربابه هذا قصيدي وازرق العود لافاح= ادر ان كثير النار زاده مهابه وسلامتكم محبكم شاعر الهيل |
اخي فايز آل بذال
كل عام وانت بخير وعساك من العايدين الفايزين وألف صح لسانك على هذه القصيدة الرائعه التي بروعه حضورك ورقة تواجدك دمت بكل خير |
صح لسانك يافايز
حضوري للمتعة فقط فمثلك غني عن إشادتي دمت بكل الحب حمد |
. . شاعرنا فايز آل بذال ( شاعر الهيل ) كل عام وانت بخير ومن العايدين والفايزين . . صح لسانك ويسلم بنانك على هذه القصيده الرائعه بروعة مبدعها . . . . سلمت ياشاعرنا ودمت مبدعا" كماانت . . . . تقبل فائق تقديري واحترامي |
العيد من المفروض أن يأتي وهو حامل معه الفرح والسرور لكن أعيادنا تأتي وهي حاملة معها أطياف كل من غاب عنا حاملة معها ذكرياتنا مع أحبابنا الذين غابوا وتركونا نتألم ونحن نرى الفرحة بعيون الجميع أما قلوبنا فهي محرومة من تلك الفرحة فايز آل بذال ألف صح لسانك ولا هنت وكل عام وأنت بخير |
كل عام وانت بالف خير
و صح لسانك يافايز سبق لي المرور عليها في مواقع اخرى وهنا نؤكد المتابعة والاعجاب تسلم يمناك تحيااااتي |
الغالي
فايز كل عام وانت بخير وسعاده شاعر محبوب سلم قلبك دمت بود |
فايز آل بذال
شاعرنا المبدع بكل المعاني الجميلة كل عام وانت بخير وكل خير للعام هو أنت صح احساسكـ ونبضكـ نص غارق بالجمال مودتي إيمان |
صح لسانك وجاد نظمك لاهنت ولاهان راسك تحياااتي |
العذب فايز آل بذال تسلم يمينك قصيده رائعه غارقه في الحزن شعور وإحساس قوي صح الله لسانك ولاهنت تحياتي |
| الساعة الآن 11:03 PM |
Powered by vBulletin® Copyright ©2000 - 2026
