كم سهرت الليل واكتب بك قصيد=عايش ابذكراك واحلم فى لقاك
انت راس المال وانت لى رصيد=ومنيتى يازين لو اجلس معاااك
قلت لى يوم السفر ترنى وحيد= ولاتظن انساك لو كل(ن)نساك
هل دمعى من على خدى بديد=ما قدرت اخفيه قلتى وش بلاك
قلت لك عهد(ن)فلا غيرك نريد=وقلت لى يازين ما نبغى سواك
تم مشوارى وجانى فى بريد= اول المرسول تطلبنى اراااااك
قلت لى امر(ن)مهم لو نك بعيد=طالب الانقاذ والجا فى حماك
جيتكم عجل(ن)وقلنا وش تريد=لوطلبت الروح ياروحى فداك
قلت لى شى(ن)حصل قاسى شديد=احصرونى ياحياتى فى شباك
الزمن غدار وفى طبعه عنيد=لو تطيعه ولا يطاوع واااااااعناك
تمت الّملكه ولا والله نريد=ارحم المجروح عايش فى هلااااك
افترقنا قلت لك جعله سعيد=وجعله ايام السعد لك مع رضاااك
وكن فى صدرى ركز رمح(ن)حديد=لابيدى حيله ولا ليبه حراك
هكذا الايام تفعل ما تريد=حاول النسيان واصبر يااااملاااااااك