|
بنت العز .. بنت الشمووخ (( من حقي اغتر ..!! ))
انا اللطافه ..منزلي دوم عالي=مني يغار البدر وتغار الازهار بنت (........) انا.. بنت المعالي=حنا ابد ما نجلب العيب والعار بنت البداوة ..عزّتي رآس مالي=بنت الزحول اللي لهم زين الاذكار وبنت الحمايل قدرها في العلالي=من صلب جد(ن) منهجه دين الابرار وابوي عزّي من عريب الخوالي=اهل الكرم والطيب.. حنا هل الكار اصلي تعلى فوق روس العوالي= من روس قوم( ن) ..ماعلى قولي اغبار ما يخضعنّي إلا ّ رب الجلالي=بنت السلاطين يخسى كل جبّار واصدق حديث(ن)تسمعه في مقالي=قولي اصيغه بالقوافي والاشعار اليا بدعت القاف من فكر بالي=كلن يردد قافي اصغار وكبار لا بعت شعري ولا شريته بمالي =ياهيه قافي زي لوح(ن) فمسمار ((شيهانةٍ للشعر)) والذوق عالي=وافخر بشعري يا طويلين الاعمار ان جيت تنشد يالردي كيف حالي=ابحتمي واخفي على جرحي استار لاهمني قولك ولاضاق بالي=وانا على كل المواقيف صبار وّطيت قدرك يالردي بالنعالي=بيني وبينك رب والوقت دوار من باعني بعته ولو كان غالي=ودنياه لو زانت ترى الوقت غدار الطيب لاهل الشر صعب المنالي=وانته حياتك كلها خمر وقمار يالله يا قادر على كل والي=الواحد اللي خالق الجن من نار يا مثبت(ن) بالارض كل الجبالي=عالم خفايا الكون..علام الاسرار يالله يا منهو عليه اتكالي=وكلت امري لك وادعي بالاسحار يا واسع الرحمة وفيك ابتهالي=يالله لطفك من صواديف الاقدار وآخر كلامي ما يبي له جدالي=حنا عيال الجود.. اشراف واحرار من حقي اعتز لنّي بنت الرجالي=وباقي القبايل مابها قصور وانكار وصلاة ربي عد ذار الرمالي=على محمد عد همال الامطار |
مشاعل إبراهيم سعيد أن أكون أول من يصافح هذه الشامخه لا غرابه فالروعة والإبداع يلازمان نصوصك حروف راقيه وغارقه في بحر العزة مشاعل ونعم وصح الله لسانك تحياتي وإعجابي |
. . شاعرتنا مشاعل ابراهيم . . صح لسانك وعلا شانك . . قصيده عانقت السحاب بروعتها . . . . دمتِ بهذا الحضور ولاعدمنا تواجدك. . . تقبلي فائق تقديري واحترامي |
انا اللطافه ..منزلي دوم عالي مني يغار البدر وتغار الازهار بنت (........) انا.. بنت المعالي حنا ابد ما نجلب العيب والعار بنت البداوة ..عزّتي رآس مالي بنت الزحول اللي لهم زين الاذكار وبنت الحمايل قدرها في العلالي من صلب جد(ن) منهجه دين الابرار وابوي عزّي من عريب الخوالي اهل الكرم والطيب.. حنا هل الكار اصلي تعلى فوق روس العوالي من روس قوم( ن) ..ماعلى قولي اغبار ما يخضعنّي إلا ّ رب الجلالي بنت السلاطين يخسى كل جبّار واصدق حديث(ن)تسمعه في مقالي قولي اصيغه بالقوافي والاشعار اليا بدعت القاف من فكر بالي كلن يردد قافي اصغار وكبار لا بعت شعري ولا شريته بمالي ياهيه قافي زي لوح(ن) فمسمار ((شيهانةٍ للشعر)) والذوق عالي وافخر بشعري يا طويلين الاعمار ان جيت تنشد يالردي كيف حالي ابحتمي واخفي على جرحي استار لاهمني قولك ولاضاق بالي وانا على كل المواقيف صبار وّطيت قدرك يالردي بالنعالي بيني وبينك رب والوقت دوار من باعني بعته ولو كان غالي ودنياه لو زانت ترى الوقت غدار الطيب لاهل الشر صعب المنالي وانته حياتك كلها خمر وقمار يالله يا قادر على كل والي الواحد اللي خالق الجن من نار يا مثبت(ن) بالارض كل الجبالي عالم خفايا الكون..علام الاسرار يالله يا منهو عليه اتكالي وكلت امري لك وادعي بالاسحار يا واسع الرحمة وفيك ابتهالي يالله لطفك من صواديف الاقدار وآخر كلامي ما يبي له جدالي حنا عيال الجود.. اشراف واحرار من حقي اعتز لنّي بنت الرجالي وباقي القبايل مابها قصور وانكار وصلاة ربي عد ذار الرمالي على محمد عد همال الامطار . .... . . الله لايهيـــنك وصح الله لسااااااااااااانــــك وفكــــرك الراااااقـــي ................. |
مشاعل
فووووووووووووووووووووووق هااااااااااااااااااااااااااام السحب لست من المطبلين ولكن انتي اجبرتيني على التصفيق لك بنت البداوة ..عزّتي رآس مالي بنت الزحول اللي لهم زين الاذكار اقسم بالله مهما قلت مااوفيك حقك راااااااااااااائعه لله درك |
كفوا يابنت القروم بالقروم
والردي يستاهل ماجاه دام نبضك ودمتي غيمار |
أخي حمد فرحان
ألف شكر لك على مرورك الجميل وعلى رقي تواجدك دمت بألف خير |
مشاعل
صح لسانك واعتلا شانــك وسلمت اناملك دمتي بالف خير |
صح لسانك وجاد نظمك لاهنتي ولاهان راسك تحياااتي |
أخي محمد الفرحان
ألف شكر لك على مرورك الجميل وعلى كرم تواجدك دمت بألف خير |
| الساعة الآن 03:17 AM |
Powered by vBulletin® Copyright ©2000 - 2026
