أن كان تغلي واحد ٍ ما تخليه = خله يذوق فراق خلّه ورده
أدري توده بس لازم تعنيه = يعني على ما قيل طعم الموده
بالك تعده بالهوى لا تسميه = وإذا تمكن بالهوى لا تعده
شده لحبك وأن زعل لا تناديه = يزعل ويرضى والغلا لك يرده
مثل البحر جزره ومده وعاليه = خلك بجزره لا تقرب لمده
وإذا تمكن لعنبو جد واليه = سيطر على أجواء قلبك بصده
يسرح ويمرح وأن خلص تلتقي فيه = ويضيعك مابين مزحه وجده
لا تقول أحبك كلمة الحب تعميه = خلك مثل سيف ٍ ليا جاب حده
لا كان رجال ٍ تعرفه وهاقيه = يسمع كلام اللي نصح ما يهده
أبشر برجل ٍ يهدم البيت . يبنيه = ماهو مثل غيره يبيّح بسده