يا لحون الشعر شاعـر منتظركـم تلهمونـه=قدموا لي مفـرده ثـم صوروهـا لـي بهيّـه
خلوا المعنـى ولحنـي للقوافـي يترجمونـه=و اتركوهـا بيننـا تـدور مثـل الشاذلـيـه
ناوياً اوصف غلاء ذاك القمـر لـو تعرفونـه=من غلاهـا عاشـقً كـل الديـار الساحليـه
مغرماً و اموت عاشق و اعشق الي يعشقونه=وآه يالغيره و نار الهـم فـي روحـاً شقيـه
ان بغيت اوصف غلاها ضاع شعراً يوزنونـه=و ان كتبت الحر فيها اشتكـى قلبـي عليـه
لا تحدي شاعـرك يسلـك دروبـاً يهلكونـه=والله اني دافعـاً لرضـاك مـا تملـك يديـه
لا همس صوتك وفز القلب من ثاير شجونـه=كنّي الي عاشقـاً مـا صـار بالعشـاق زيـه
وان ضحكتي طاب قلبي من جميع اقسى طعونه=تاخذين الي عشقكم فـي خيـال و نرجسيـه
وان حكت للعاشق المغرم هواء قلبً يصونـه=انتشى من فرحته ضيـع حـروف الابجديـه
عمرها ما كمل العشرين لسـى فـي جنونـه=تسجن الي حبها من غيـر ذنـبً او خطيـه
من هدبها دوم قلبي مسهـراً حتـى عيونـه=هذا غير الي نبـت فـي خدهـا ورده نديـه
وان تهادت بالطريق الـي خطاهـا يقطعونـه=ردة العالـم لحربـاً بالعـصـور الجاهلـيـه
وان تمايل عودها وين الذي جـوا يوصفونـه=سجلونـي سيـد العشـاق فـي كـل البريـه
لا نويت اوصف ملاكي وين منهم يشبهونه ؟=فيه كبر و فيه ليـن و بالتواضـع عنجهيـه
و الكـلام الـي شفايـف فمكـم يستعملونـه=نفسي اعرف وش شعوره لا امرتم في مجيه ؟
كن في لحظة غضبها من الرضا له يسجنونـه=و الفرح مبعد عن العالم و طـوّل فـي نويـه
يظلم العالم بعيني مـن زعلهـا وسـط كونـه=اكره الدنياء بعدها مـن زعلهـا لـو شويـه
وان رضت نوّر ظلام الليل شمعـاً يشعلونـه=ثم رقص من فرحته ورد وعبيـر المزهريـه
وان حكت لي ليه شعرك دمع عينك يكتبونه ؟=ليه شعرك باكـيً و لحـون دايـم سامريـه
ثم سكتت وردّة وقالت وش الـي تكتمونـه ؟=ما كفاكـم حبنـا والا علـى قولـك بنيـه ؟
انطلق حرفي و لا قدروا شفاهـي يحفظونـه=فيه حرف الآه و الحزن و جروحـاً سرمديـه
قلت يا عمري حبيبك غيركـم مـا يسعفونـه=لولا الله ثم وجودك مـا بقـى بحالـي بقيـه
اتركي جرحي و همي يعملـوا مـا يشتهونـه=دامك انتي في حياتـي رابحـاً مليـون ميـه
اقري اشعاري و غني ما بدالك مـن فنونـه=سمعي زايد لحونـك تحـت نغمـاتً شجيـه
شنفي لي مسمعي ثم ابدعي لي فـي لحونـه=حسسيني بأني الـي ظافـر بسـرج العبيـه
آه لما لـي تقـول ابغـى قصيـدك يقرئونـه=وان بغيت انشر غلاها ثار في قلبـي حميـه
ان عملنا في رضاها مبغى غيـري يذكرونـه=وان تجاهلنـا طلبهـا ثـارة الدنيـاء سويـه
مرةً تحمـل قسـاوه و مـرةً اعظـم حنونـه=بين طيش و بين عقل و عهدها دايـم وفيـه
الخجل و العقل و الحشمه لقى الـي يطلبونـه=جيت افتش في غلاها ما لقيـت الهـا قضيـه
طوعت حتى العدى ثم صار طبعـاً يكرهونـه=تملك الي حاضرين ولا هـي ابـداً هامشيـه
وان تاخرتي و غبتي صاح طفـلاً يفطمونـه=وان حضرتي ينبسط طفلك ابـو نيـه بريـه
ناظري في قلب خلك مـن غلاكـم يحسدونـه=انتي الي طب حرجي و انتي لي اعظم هديـه
لمتى و الوقت ظالم لمتـى سنينـه تخونـه ؟=و الجروح الي كوة في عاشقك مليـون كيـه
ارسلي لي عطرها يـا ريـح ورد الزيزفونـه=ذكرينـي فـي غلاهـا و التفاصيـل الخفيـه
اسمع لموج البحر في نجد قولـو تسمعونـه ؟=خبري جده بحبـي يـا ربـى نجـد العذيـه
انتهى حبر القلم هو ليـه هـذا تشترونـه ؟=او سرينا من القصيم و توا طفنا للحويـه ؟؟؟