هذا الاسم أحـب راعيـه وغليـه=غلاه عندي كبـر الارض وسماهـا
وحتى لو أنه يطلب أعيوني أعطيـه=وعطيه روحي لو طلبهـا وبغاهـا
ابيع كـل النـاس بالـود واشريـه=وبعده مرض نفسي وقربـه دواهـا
لاغاب عفت الكـون كلـه ومافيـه=وضاقت علي الارض وظلم فضاها
ادري وعرف الاسم ومنين راعيـه=ولا بعـد وشلـون نفسـي غزاهـا
وعلى الكرامـه والمعـزه مخاويـه=ماهو على شيـن العلـوم ورداهـا
افديه في مملك وفي روحـي افديـه=ومقدر عليه وتطلبـه مـن فداهـا
بس المهم بكـل مايطلـب ارضيـه=واهم حاجه عنـد نفسـي رضاهـا
وحتى قصيدي يفتخر فـي معانيـه=فيها ويرقص قدمهـا مـن غلاهـا
ويفز لـه قلبـي ويفـرح بطاريـه=فرحت عقيم(ن)في بدايت ضناهـا
الله يسعـد فـي حيـاتـه ليالـيـه=ويسهل دروب(ن)برجلـه مشاها
شيخه وبنـت شيـوخ لبيـه لبيـه=تمشي وحـراس الحكومـه وراهـا
ماهي بشيخة خمسة ابيـوت ياهيـه=لا تلوم قلبي يوم يتبع هواها
ولاصار حاكم حب والقلب قاضيـه=مالي مفر(ن)عن مواجـه قضاهـا
وحكمه على عيني وراسي وباغيـه=حتى لـو انـه زاد نفسـي عناهـا
اللي يبيه أمر على النفـس تمشيـه=وليا عصت نفسي عليـه اعصاهـا
وحتى قصيدي قـام عرفـه يحليـه=وحلا المعاني يقتبس من حلاهـا
لؤلؤ بحر يغني مـن الفقـر لاقيـه=دره ثمينـه وهنـي مـن لاقـاهـا
داره جزيره في بحر صعب انا أجيه=ودونه شيوخ(ن)مايقـرب حماهـا
مادمت حين معـي مانـي بناسيـه=ولامت شعـري ذكرياتـه حكاهـا
جاك الشعر سيل(ن)طفح فوق واديه=ودخل بيوت اللـي سكنـه وملاهـا
دارن وطاها تزتهر مـن مواطيـه=وهني دارن خـف رجلـه وطاهـا
ليت المنى يفيد عند متمنيه=أبا التمنى كل عمري معاها
من شان محد(ن)يعرف اسمه اخفيه=قصيدتي بـه يبلـش اللـي قراهـا